Berisha: Të rihetohet 21 janari, Rama ka përgjegjësi si organizator

Sali Berisha i është përgjigjur kryeministrit Edi Rama në lidhje me rihetimin e çështjes së 21 janarit.

Gjatë një konferencë për mediat nga selia blu, ish-kryeministri Berisha u shpreh se në këtë çështje, nuk është hetuar fakti se Rama ishte organizatori.

“Ajo që nuk është hetuar për 21 janarin, përgjegjësia direkte si organizator e Edi Ramës. E faktuar, jo se e them unë. Merrni deklaratat e tij, që populli do tejkalojë Kushtetutën. Merrni faktin se u sulmua një kryeministër në detyrë në zyrë. Jam plotësisht dakord të hetohet dhe të rihetohet 100 herë. Ju garantoj se përgjegjës kryesor është një dhe vetëm një. Është Edi Rama i cili solli ata njerëz mish për top për karrigen e tij”, tha Berisha.

Lidhur me çështjen e Gërdecit, Berisha u shpreh se për këtë është zhvilluar një proces gjyqësor ku janë dënuar disa zyrtarë të ushtrisë.

Sa i përket Gërdecit, një proces gjyqësor i drejtuar nga një prokurore politike anti-Berishë, ka ndodhur dhe janë dënuar 20 apo 22 vetë. Prej tyre, zyrtarë më të lartë të ushtrisë. Edi Rama, prej 9 vitesh ka ruajtur të njëjtin kualifikim aksident teknologjik dhe injoranca se lejon atë të kuptojë domethënien e krimit të plotë shtetëror. Krimi shtetëror është dy llojesh. I qëllimshëm, ku shteti vret me qëllim, vetëdije, pa dashje. Ai ka nocione të vjedhë”, u shpreh ai.

Këtë të mërkurë, kryeministri Edi Rama i bëri sërish thirrje SPAK-ut që të hetojë çështjen e 21 janarit dhe Gërdecin.

LEXONI GJITHASHTU

• Berisha: Rama ndodhet në panik, ndaj merret me drejtësinë dhe kundërshtarët
• SPAK të hetojë 21 Janarin dhe Gërdecin, thotë Rama
• Rama: Nuk i kam bërë presion SPAK-ut, kërkoj më shumë nga drejtësia