20 mijë euro për teste alkooli, Policia e Shtetit hap tenderin

Policia e Shtetit ka hapur një tender të ri për blerjen e testeve të alkoolit. Rreth 20 mijë euro do të harxhojë ky institucion pikërisht për blerjen e këtyre aksesorëve.

Tenderi është hapur 4 ditë pasi ndodhi aksidenti tek Rruga e Kavajës në kryeqytet, ku u plagosën rëndë dy kalimtarë dhe shpëtoi për mrekulli foshnja e tyre 3 muajshe.

Kontrata është publikuar në Agjencinë e Prokurimit Publik në 12 maj dhe ofertat do pranohen deri në datë 23.

Tani që ka nisur edhe sezoni turistik, shoferët të cilët konsumojnë alkool shtohen.

Mbi 3 mijë shoferë janë kapur në gjendje të dehur, nën efektin e lëndëve narkotike ose pa patentë gjatë vitit të kaluar.

Të dhënat zyrtare tregojnë se në Shqipëri ka një mungesë të kulturës dhe përgjegjësisë që duhet të ketë një drejtues automjeti.

Në 5 vite janë rreth 14 mijë shoferë janë konstatuar në gjendje të dehur, të droguar ose pa leje drejtimi.

LEXONI GJITHASHTU:

• Aksidentet, policia nis kontrollet e shoferëve në të gjithë vendin
• Video | Aksidenti tek “Rruga e Kavajës”, Euronews Albania siguron pamjet