Binjaket refugjate ukrainase fillojnë shkollën në Britaninë e Madhe

Dy vajza binjake 5-vjeçare ukrainase, kanë filluar shkollën më pak se një muaj pas mbërritjes së tyre në Britani si refugjate.

Emeli dhe Melani u larguan Ukraina me nënën e tyre Dalia, 46 vjeç, duke lënë babanë e tyre, Oleg në Ukrainë, raporton BBC.

Ata po qëndrojnë në familjen e zonjës britanike Serena Last, e cila u ka hapur dyert e shtëpisë.

Dy vajzat ukrainase së bashku me vajzën e Serenës, Quinn, janë në të njëjtën klasë.

Nëna e vajzave është shprehur se “askush nuk e di” se sa do jenë ditët e qëndrimit të tyre në Britani dhe se çdo mëngjes shikon lajmet me shpresën se lufta do mbarojë.

Burri i saj po trajnohet në qytetin e Detit të Zi, Odessa për të luftuar kundër Rusisë. Dalia tha se i dërgon çdo ditë mesazhe.

Last thotë se është e lumtur që po ndihmon një familje që vjen nga lufta.

Pas vonesave të vizave të binjakeve, Last tha se stresi i saj më i madh është marrja e dokumentave që familja ukrainase të përfitojë ndihma nga shteti, dhe hapja e llogarisë së tyre bankare.

Mësuesi i dy binjakeve është shprehur se është shumë i kënaqur që dy vajzat janë ambientuar shumë shpejt, dhe se përdorte aplikacione përkthimi për shpjegimet e tij mësimore.

LEXONI GJITHASHTU:

• Ukrainasit dhe Zelensky veshin këmisha të qëndisura për Ditën e Vyshyvanka