Digjet raundi i dytë për presidentin, sot në 18:00 seancë në Kuvend

Pas djegies së raundit të dytë për zgjedhjen e Presidentit, ku opozita nuk dërgoi asnjë kandidaturë, ditën e sotme në orën 18:00 pritet të zhvillohet seanca plenare në Kuvend.

Ndërkohë mëngjesin e sotëm, u mblodh Komisioni i Ligjeve.  Pas konstatimit se nuk kishte asnjë kandidaturë për emrin e Presidentit nga opozita, u mbyll duke njoftuar se mbledhja tjetër do të njoftohet pas vendimit të Konferencës së Kryetarëve.

Konferenca e Kryetarëve e mbledhur të martën e kaluar vendosi që ditën e djeshme në orën 16:00 kandidatët me 20 firma deputetësh të depozitoheshin në Kryesinë e Kuvendit. Por një gjë e tillë nuk ndodhi, pasi palët politike nuk e gjetën gjuhën e përbashkët për një emër në raundin e dytë.

Ky raund dhe raundi i tretë kërkojnë 84 vota. Nëse as në raundin e tretë nuk do të ketë një kandidaturë atëherë në raundin e 4-t mazhoranca do ta zgjedhë e vetme kreun e ri të shtetit.

LEXONI GJITHASHTU:

• Digjet raundi i dytë për presidentin, sot në 18:00 seancë në Kuvend
• Alibeaj: PS-ja u tërhoq nga marrëveshja për presidentin, nuk pranon konsensusin