111 të infektuar në RMV, numri i pacientëve me COVID-19 shkon në mbi 3 mijë

111 raste të reja me Covid-19 janë regjistruar në Maqedoninë e Veriut në 24 orët e fundit duke e çuar numrin e përgjithshëm të pacientëve në 3025. Njoftimi vjen Ministria e Shëndetësisë, e cila thekson se të dhënat i referohen 853 testimeve. Po ashtu edhe dy persona kanë humbur jetën në Strugë dhe Prilep.

Sa i përket të infektuarve, në Shkup janë regjistruar 63 raste, duke e bërë kështu qytetin me më shumë të prekur në të gjithë Maqedoninë e Veriut. Ministria e Shëndetësisë ka njoftuar edhe për 6 persona të shëruar. Që nga fillimi i pandemisë, janë realizuar 36,325 testime.

Nga numri i përgjithshëm i pacientëve të diagnostikuar me COVID-19 në Maqedoninë e Veriut, 153 kanë vdekur, 1,646 janë shëruar kurse 1,226 raste ende janë aktivë. Shkupi, Tetova, Kumanova dhe Shtipi nga e premtja e deri të hënën janë në izolim të plotë.

Ministria e Punëve të Brendshme ka njoftuar se për mosrespektim të masave janë ndaluar 386 persona, të cilët do të përballen me masa administrative.