Kancelari austriak: BE të shohë përparimin e Shqipërisë

Në Forumin Europian Wachau, kancelari i Austrisë Karl Nehammer deklaroi se Bashkimi Europian duhet të shohë për përparimin që ka bërë Shqipëria.

“Sa absurde do të ishte nëqoftëse një kancelar austriak nuk do të rrinte krahë Shqipërisë që ajo të bëhej pjestare e familjes europiane. Kryeministri shqiptar ka të drejtë kur thotë ‘Po, në Ballkan ka shumë detyra për t’u bërë’ dhe në Bosnje Hercegovinë ka edhe më shumë që duhet bërë, por nuk mund t’i krahasoni vendet me njëri-tjetrin. Si ministër i brendshëm, unë mund të konfirmoj përpjeket që ka bërë Shqipëria për sigurimin e sundimit të ligjit, sigurinë e brendshme, transparencën, sidomos në kuptimin europian.  Na duhet po kështu të jemi të hapur. BE duhet të shohë se sa i madh është përparimi që keni arritur dhe njerëzit janë kaq të dëshpëruar se nuk është e ndershme që të përzihen gjërat me njëra-tjetrën”, u shpreh kancelari.

Ndërkohë, kryeministri Edi Rama komentoi sërish samitin e BE-së në Bruksel duke thënë se BE është e pafuqishme përballë pengmarrjes së Bullgarisë për dy vende të NATO-s, Shqipëria dhe Maqedonia e Veriut.

Veton e Bullgarisë për Maqedoninë e Veriut, Rama e quajti pasojë të një deformimi të madh të procesit të zgjerimit të BE.

LEXONI GJITHASHTU:

• ‘Maxhoranca e njollosur nga skandale’, si i përgjigjet Rama gazetares franceze