Bushati: Protesta e Berishës, provë për vjeshtën e ardhshme

Sali Berisha ka lajmëruar protestë më 6 korrik kundër qeverisjes së Edi Ramës.

Për analistin Andi Bushati, kjo protestë nuk do ta rrëzojë qeverinë, por shërben si provë për vjeshtën e ardhshme, ku edhe Ilir Meta ka premtuar qëndrim “të ashpër” ndaj qeverisë së Ramës.

“Është një protestë e cila vjen pas tre vitesh heshtje të opozitës. Pas zgjedhjeve moniste të qershorir 2019, opozita e fiku çelësin e protestave në Shqipëri”, tha Bushati.

Bushati tha se opozita po bën atë që historikisht ka ditur të bëjë më mirë, të dalë në rrugë dhe të protestojë.

Ai tha se kjo protestë është një rrugë drejt pranimit të Berishës nga deputetët që ende nuk e kanë pranuar.

“Berisha ka një problem pranimi nga hierarkia e PD-së. Duke dalë në rrugë, pashë shumë deputetë që thoshin do të jemi në protestë kundër Edi Ramës”, u shpreh Bushati.

Baton Haxhiu, nga ana tjetër, thotë se nuk ka arsye për të bërë protesta në korrik pasi Shqipëria do të jetë në kulmin e turizmit.

LEXONI GJITHASHTU:

• Bushati: Vuçiç po tenton të na ndajë nga BE, Shqipëria ombrellë për Serbinë