Partia Demokratike vjen në pushtet me figura të pastra, thotë Sula

Partia Demokratike vjen në pushtet me figura të pastra, të cilët nuk kanë pasur një të kaluar në këtë forcë politike.

Kështu u shpreh deputeti demokrat, Dashnor Sula në një intervistë për “Euronews Albania”.

Sipas tij, nuk mund të jetë fajtor vetëm ish-kryedemokrati për situatën aktuale në parti, por përgjegjësi kanë edhe funksionarët e lartë të djathë.

“Mendoj që Partia Demokratike duhet të vijë në pushtet. Por si vjen? Me figura të pastra, me figura të cilët nuk kanë një të kaluar, që kanë qenë në Partinë Demokratike. Nuk mund ta anatemosh vetëm zoti Basha, këto kanë kryqëzuar Bashën, si i vetmi që kishte gabime. Ku ishin sekretarët, kryesia, strukturat e larta. Janë po ata që u rikthyen dhe morën poste. Ku është ndryshimi?”, tha Sula.

Sipas tij, Berisha ka mbështetjen dhe shumicën e anëtarëve të Partisë Demokratike, por duhet të bashkohet edhe ajo pjesë e cila aktualisht është kundër tij.

LEXONI GJITHASHTU

• Deputeti Sula: E ndjej krizën ekonomike edhe pse kam një pagë të kënaqshme
• Alibeaj-Berishës: Edhe Nanon e shpalle armik, por bëre marrëveshje me të