Rusia nuk do të tërhiqet nga Ukraina Jugore, thotë diplomati rus

Ambasadori i Rusisë në Londër, Andrei Kelin tha se nuk ka të ngjarë që forcat ruse do të tërhiqen nga territoret në jug të Ukrainës.

Kelin u shpreh ushtarët ukrainas do të largohen nga Donbasi dhe shtoi se Rusia do ta çlirojë këtë rajon, shkruan Reuters.

“Ne do të çlirojmë të gjithë Donbasin. Sigurisht që është e vështirë të parashikohet tërheqja e forcave tona nga pjesa jugore e Ukrainës”, theksoi ai.

Ambasadori Kelin nënvizoi se Perëndimi nuk i ka kuptuar shkaqet e vërteta të konfliktit dhe kishte injoruar shqetësimet e Rusisë.

Pak ditë më parë, presidenti rus Vladimir Putin paralajmëroi Ukraninën se duhet të pranojë shpejt kushtet e Rusisë ose të përgatitet për më të keqen.

Kremlini ka kërkuar më parë që Kievi të njohë sovranitetin rus mbi Gadishullin e Krimesë, të cilin e aneksoi në vitin 2014, si dhe të njohë pavarësinë e rajoneve separatiste të mbështetura nga Moska në Ukrainën lindore.

LEXONI GJITHASHTU

• CIA paralajmëroi pushtimin e Ukrainës nga Rusia, thotë Biden
• Putin ultimatum Ukrainës: Pranoni kushtet tona, ose përgatituni për më të keqen