Hapen pikat kufitare në veri të Kosovës | 5 zhvillimet kryesore

• Sveçla: Hapen pikat kufitare në Jarinjë dhe Bërnjak pas heqjes së barrikadave

Pikat kufitare Jarinje dhe Bërnjak në veri të Kosovës janë të hapura për qytetarët dhe liria e lëvizjes është e plotë.

Lajmin e bëri të ditur ministri i Punëve të Brendshme, Xhelal Sveçla përmes një postimi në rrjetet sociale.

Sveçla u shpreh se barrikadat e vendosura në mënyrë ilegale mbrëmjen e së dielës nga serbët, janë hequr nga vetë ata.

Lexoni për më shumë: Sveçla: Hapen pikat kufitare në Jarinjë dhe Bërnjak pas heqjes së barrikadave

• Deputeti ukrainas për Euronews Albania: Në Kosovë po përsëritet skenari i Putin

Deputeti ukrainas Oleksiy Goncharenko thotë se Rusia qëndron pas Serbisë në lidhje me tensionet e shkaktuara në veri të Kosovës.

Në një intervistë për “Euronews Albania”, Oleksiy Goncharenko u shpreh se në Kosovë është përdorur i njëjti skenar, që Putin përdori për pushtimin e Ukrainës, duke thënë se qëllimi është denazifikimi.

Lexoni për më shumë: Deputeti ukrainas për Euronews Albania: Në Kosovë po përsëritet skenari i Putin

• Baton Haxhiu: Kurti i paqëndrueshëm politikisht, të respektonte reciprocitetin

Analisti Baton Haxhiu thotë se kryeministri i Kosovës, Albin Kurti është i paqëndrueshëm politikisht, për shkak se u tërhoq nga vendimi për zbatimin e reciprocitetit me Serbinë.

Në një intervistë për “Euronews Albania”, Kurti u shpreh se ai duhet të respektonte vendimin për reciprocitetin dhe se nuk duhet të binte në presion.

Lexoni për më shumë: Baton Haxhiu: Kurti i paqëndrueshëm politikisht, të respektonte reciprocitetin

• Paralajmërimi i Brisida Shehajt: Nesër do denoncojmë një skandal të rëndë

Koordinatorja për luftën kundër korrupsionit në Partinë e Lirisë, Brisilda Shehaj bëri të ditur se ditën e nesërme, do të denoncojë se bashku me Ilir Metën një skandal të rëndë.

• Në një intervistë për “Euronews Albania”, Shehaj u shpreh se ky do të jetë denoncimi i parë, teksa shtoi se vetëm sot ka marrë 80 denoncime për korrupsion.

Kryetari i Partisë së Lirisë, Ilir Meta e prezantoi këtë të hënë Brisida Shehajn si koordinatore për luftën kundër korrupsionit.

Lexoni për më shumë: Paralajmërimi i Brisida Shehajt: Nesër do denoncojmë një skandal të rëndë

Kryetarja e Dhomës së Përfaqësuesve të SHBA, Nancy Pelosi pritet të vizitojë Tajvanin si pjesë e turneut të saj në Azi.

Kështu është shprehur një zyrtar i lartë i qeverisë së Tajvanit dhe një zyrtari amerikan, pavarësisht paralajmërimeve nga zyrtarët e administratës Biden, të cilët janë të shqetësuar për reagimin e Kinës.

Një vizitë e mundshme në Tajvan nuk është aktualisht në itinerarin publik të Pelosit dhe vjen në një kohë kur marrëdhëniet SHBA-Kinë janë tashmë në një pikë tepër të ulët. Ende është e paqartë se kur pritet të mbërrijë Pelosi në kryeqytetin e Tajvanit, Taipei.

Lexoni për më shumë: Pelosi pritet të vizitojë Tajvanin mes tensioneve SHBA-Kinë