Nano: Kam dal vetë në aksion, tolerancë zero për kë abuzon me ligjin

Drejtori i Policisë së Shtetit në një komunikim për mediat nga Dhërmiu u shpreh se nuk do të tolerojë askënd, aq më pak efektiv policie që të shkelë ligjin.

Referuar tragjedisë së një dite më parë në Himarë ku një 7-vjaçare humbi jetën e përplasur nga një mjet motorik Nano tha se policia është e mobilizuar në terren në të gjithë bregdetin për të monitoruar veprimtarinë e mjeteve motorike.

Kreu i policisë së shteti vuri në dukje faktin që kishte dalë personalisht në aksion për të monitoruar nga afër situatën me mjetet lundruese në bregun e Jugut.

Nano shprehu keqardhjen për ngjarjen e rëndë që i mori jetën 7-vjeçares, por shtoi se veprimi i një punonjësi policie nuk mund të përbaltte punën e mijëra burrave dhe grave që po punonin ditë dhe natë për sigurinë e qytetarëve në plazhe.

Ngjarja e rëndë ndodhi pas mesditës së të martës në plazhin e Potamit ku një fëmijë e mitur u përplas për vdekje teksa ishte në breg, nga një skaf që drejtohej nga shtetasi Arjan Tase.

Arjan Tase, ish-shef i komisariatit të Himarës është arrestuar dhe akuzohet për vrasje nga pakujdesia.

Në dëshminë e tij, Tase ka sqaruar se gomonia të cilën e ngiste ka marrë gaz në mënyrë të menjëhershme dhe ka bërë një rrotullim në vend e për pasojë ai ka humbur kontrollin.

LEXONI GJITHASHTU:

AMP tregon si u vra 7-vjeçarja: Nën hetim 5 zyrtarë të policisë kufitare

Dëshmia e efektivit dhe reagimet për vdekjen e të miturës, 5 ngjarjet kryesore