Ahmetaj: Gledis Nano, i pari që duhej të dorëhiqej për ngjarjen në Himarë

Pedagogu, Bislim Ahmetaj thotë se Drejtori i Përgjithshëm i Policisë, Gledis Nano duhet të ishte personi i parë që duhej të jepte dorëheqjen, pas ngjarjes së rëndë ditën e djeshme në plazhin e Potamit në Himarë.

Në një intervistë për “Euronews Albania”, Ahmetaj u shpreh kritik në lidhje me reagimin e  kryeministrit Edi Rama për këtë ngjarje.

“Reagimi më i ligë, më i poshtër ka qenë reagimi i kryemninistrit të Shqipërisë ndaj refleksioneve që kanë pasur qytetarët shqiptarë ndaj ngjarjes së djeshme. Është një nga makabritetet më të mëdha që kemi duruar këto kohë.

Autori i ngjarjes nuk duhet të ishte duke jetuar sot. Por ai prind e ka përmbajtur veten dhe ai kriminel vazhdon të jetë në burg. Personi i parë që duhet të ishte dorëhequr është Drejtori i Policisë i cili mban në radhët e veta kriminelë të kësaj natyre. Duhet të ishte dorëhequr Ministri i Brendshëm”, tha ai.

Një ngjarje e rëndë ndodhi mesditën e së martës në plazhin e Potamit në Himarë, ku një fëmijë e mitur u përplas për vdekje teksa ishte në breg, nga një skaf i cili drejtohej nga shtetasi Arjan Tase.

Ai mbante detyrën Shef Seksioni i Policimit në Komunitet në Komisariatin e Policisë Elbasan dhe pas kësaj ngjarjeje, është përjashtuar nga Gledis Nano.

Mbi të është ngritur akuza e vrasjes nga pakujdesia dhe pritet që brenda 48 orësh të njihet edhe më masën e sigurisë në gjykatën e Vlorës.

LEXONI GJITHASHTU

• Tragjedia në Himarë, Balliu: Një polic nuk i ka mundësitë për të blerë skaf
• Lleshaj: Sipërfaqja detare e pakontrolluar, si një xhungël ku nuk funksionon ligji
• ‘Fëmija u vra në breg të detit’, deputeti i PD-së tregon për tragjedinë në Himarë