Kreu i SPAK takime në DASH: Po verifikojmë zyrtarë e ish-zyrtarë të lartë

Kreu i Prokurorisë së Posaçme Arben Kraja dhe drejtuesja e BKH-së Aida Veizaj vazhdojnë vizitën e tyre zyrtare në Shtetet e Bashkuara të Amerikës.

Ata kanë takuar zyrtarë në Departamentin e Drejtësisë ku në fokus ka qenë lufta kundër korrupsionit dhe krimit të organizuar ne vendin tonë.

Dy zyrtarët e lartë të SPAK dhe BKH do të zhvillojnë takime dhe me drejtues të FBI-së dhe DEA-s dhe temat e diskutimeve do të jenë të njëjta.

Gjithashtu këto takime do shfrytëzohet nga Kraja dhe Veizaj për t’u prezantuar partnerëve amerikanë arritjet e këtyre dy strukturave.

Drejtuesi i SPAK gjatë qëndrimin në SHBA dha një intervistë për Zërin e Amerikës, ku shprehu vendosmërinë për të luftuar korrupsionin .

Ai sqaroi se çështje të rëndësishme po hetohen nga SPAK dhe po verifikohen veprimet e disa zyrtarëve dhe ish-zyrtarëve në çështjet e koncesioneve ne shëndetësi apo edhe kontratat e inceneratorëve.

Prokurorinë e Posaçme e pret një vjeshtë e ngarkuar, dukë qenë se gjatë muajit korrik u pyetën ish-ministra, drejtorë të rëndësishme në administratë, ish-kryetarë dhe kryetarë aktualë bashkish.

LEXONI GJITHASHTU:

• Kreu i SPAK takohet me përfaqësues të DEA-s në Washington
• Arben Kraja në SHBA, u prezanton arritjet e SPAK amerikanëve