‘Sulm i përqendruar’, gazetari: Çfarë më tha Nano para se të largohej nga zyra

Lajmi për një dorëheqje të mundshme të drejtorit të përgjithshëm të policisë, Gledis Nano ka qarkulluar prej ditës së djeshme dhe sot mediat ishin në pritje të një konfirmimi ose mohimi gjë që nuk ka ndodhur.

Gazetari i Euronews Albania, Eni Ferhati tregoi bisedën që kishte zhvilluar me drejtorin e policisë para se ai të largohej nga zyra paraditen e së hënës, ku nuk u kthye për 5 orë.

Ferhati tha se Nano e ka cilësuar situatën një sulm të përqendruar ndaj tij, ndërsa është shprehur nuk i kuptonte arsyet e aludimeve për një largim të tij.

“Në mëngjes kam pasur një bisedë me drejtorin e policisë përpara se të largohej nga zyra mëngjesin e sotëm. Ai më saktësisht: është një sulm i përqendruar se edhe ai vetë se kuptonte arsye mbi këto aludime që ishin hedhur”,  u shpreh gazetari Ferhati.

Ferhati nuk mohoi zërat për një krizë në radhët e policisë, pasi kriminaliteti është rritur, ndërsa zbardhja e ngjarjeve ka qenë shumë e ulët.

“Po të flasim për spekulime, flitet për marrëdhënie të tensionuara  mes drejtorit të përgjithshëm dhe ministrit të Brendshëm”, – u shpreh gazetari.

LEXONI GJITHASHTU:

• Ka një krisje të marrëdhënieve mes Nanos dhe Çuçit, thotë gazetari
• Gledis Nano në Vlorë për atentatin me 2 viktima, në ‘sitë’ strukturat e policisë