‘Të na kuptojë’, Vuçiç: BE të tregojë të njëjtën shkallë respekti ndaj nesh

Presidenti i Serbisë, Aleksandër Vuçiç deklaroi nga samiti i “Open Balkan” në Beograd se BE-ja duhet të tregojë të njëjtën shkallë respekti që vendet e Ballkanit Perëndimor kanë treguar ndaj saj.

Gjatë fjalës së tij, presidenti serb tha se BE-ja duhet të tregohet më e kuptueshme me vendet e Ballkanit Perëndimor.

“Të jemi të përkushtuar ndaj rrugës tonë për në BE. Të lidhemi me njëri tjetrin dhe të heqim pengesat për një bashkëpunim ekonomik. Nëse ata dëshmojë të njëjtën shkallë respekti që ju kemi treguar, do ishte mirë. Ne kërkojmë që pavarësisht problemeve të tyre, ata të tregohen më të kuptueshëm me ne. Ai që kuptoi problemet e Ballkanit Përëndimor ka qenë Varheley”, tha Vuçiç.

Ditën e sotme po zhvillohet samiti i ‘Open Balkan’ në Beograd ku fokus i bisedimeve është tregtia.

Përveç tre liderëve, Edi Rama, Aleksandër Vuçiç dhe Dimitar Kovaçevski, i pranishëm është edhe kryeministri në detyrë i Malit të Zi, Dritan Abazoviç si dhe përfaqësues nga Hungaria dhe Turqia.

LEXONI GJITHASHTU:

• Ministri i Jashtëm turk: Jemi ndër investuesit më të mëdhenj në rajon
• Rama batutë me ambasadorin e SHBA-së në Serbi: Kujdes se na kupton çfarë flasim