‘Qeverisja ka nevojë për oponencë’, Bajram Begaj mesazh deputetëve

Presidenti i Republikës, Bajram Begaj u ka dërguar një mesazh deputetëve në kuadër të nisjes së sesionit të ri parlamentar.

Përmes një letre, Begaj thekson se deputetët duhet të kenë angazhim të frytshëm dhe maksimal në përmbushje të të gjitha detyrave dhe përgjegjësive, si përfaqësues të vullnetit politik të popullit.

Sipas tij, qeverisja ka nevojë për këndvështrim kritik dhe oponencë, sepse mendimi kritik sjell debat konstruktiv dhe debati konstruktiv sjell përmirësim.

Në letër, kreu i shtetit thotë se korrupsioni frenon zhvillimin ekonomik dhe vret shpresën për një të ardhme më të mirë, teksa shton se modeli i zyrtarit duhet të jetë ai i llogaridhënies, i respektimit të ndarjes së pushteteve dhe i respektimit të ligjit.

Ndër të tjera, Begaj nënvizon se duhet të jemi të kujdesshëm dhe të ndjekim me vëmendje zhvillimet në të gjitha vendet e rajonit e sidomos në Kosovë.

LEXONI GJITHASHTU

• Bumçi: PD u ringrit nga një projekt për ta shkatërruar, ofrojmë shpresë për vendin

• Hajdari: Kam kritikuar Berishën, por duhet respektuar vullneti i anëtarësisë