Nis viti i ri shkollor, risitë për klasën e parë

Këtë të hënë nis viti i ri akademik për 450 mijë nxënës. 70 mijë vogëlushë do të ulen në bangat e kopshteve, 280 mijë nxënës do të jenë pjesë e arsimit 9-vjeçar dhe 100 mijë të tjerë do të mësojnë në gjimnazet e Tiranës.

Gazetarja e Euronews Albania Ortensa Budlla raportoi nga një shkollë u kryeqytetit ku bëri me dije dhe një risi të klasës së parë.

Krahas Abetares së unifikuar Shqipëri-Kosovë, nxënësit që ulen për herë të parë në bangat e shkollës do të mësojnë dhe lëndës e Teknologjisë së Informimit dhe Komunikimit.

Ndryshe nga dy vitet e shkuara, nxënësit sot nuk respektonin masat anti-COVID.

Në Tiranë, mësimi do të jetë sërish me turne. Ndërkohë, kryeministri Rama në ceremoninë e prezantimit të Abetares së përbashkët lajmëroi sanksione për fëmijët që dëmtojnë librat duke qenë se çdo libër i kalon një nxënësi vitin e ardhshëm, proces ky që do të zgjasë 3 vite për çdo libër.

LEXONI GJITHASHTU:

• Sanksione për fëmijët që dëmtojnë librat, paralajmëron Rama