Rama bën bilancin: 5.6 mln turistë vizituan Shqipërinë, mbi 1 mld të ardhura

Në konferencën e bilancit të sezonit turistik, kryeministri Edi Rama deklaroi se ky sezon ka qenë surprizues, ku mbi 5.6 mln turistë vizituan Shqipërinë.

Sipas kryeministrit, në 6 mujorin e parë ka pasur mbi 1 miliard të ardhura në ekonomi nga turizmi.

“Sezoni ka qenë surprizues sa i përket fluksit të të ardhurave për ekonominë. Në 6 mujorin e parë kemi kaluar 1 miliard të ardhura në ekonomi nga turizmi, pothuajse dyfishi i vitit të mëparshëm. Flukset e vizitorëve të huaj, deri në gusht, kanë qenë 5.6 mln turistë. Është 1.3 mln më shumë se vitin e kaluar”, u shpreh Rama.

Kreu i qeverisë nënvizoi se edhe Tirana ka pasur një bum turistësh, ku hotelet dhe apartamentet kanë qenë plot.

Ai shtoi se ende ka shumë për të bërë për sigurinë në plazhe, si rezultat i rritjes së mjeteve lundruese.

“Tragjedia që ndodhi në Himarë ishte një kambanë e fortë alarmi për këtë punë”, tha kreu i qeverisë.

LEXONI GJITHASHTU:

• Rama bën bilancin: 5.6 mln turistë vizituan Shqipërinë, mbi 1 mld të ardhura
• Salianji akuzon Ramën: Miratoi lejen për kullën 26-katëshe, u ndërtua me 40
• Ibrahimaj: Në periudhën qershor-gusht rritje të qarkullimit në turizëm me 30%