“Shërbimi satelitor vlerë e shtuar”, Peleshi: Do të evidentohen parcelat me kanabis

Në ambientet e kryeministrisë po prezantohet shërbimi satelitor i në Republikën e Shqipërisë, në kuadër të mbikëqyrjes së territorit të gjithë vendit.

Ministri i Mbrojtjes Niko Peleshi, u shpreh se shërbimi satelitor do të jetë një vlerë e shtuar ndërsa shtoi se në këtë shërbim do të jenë të përfshira disa agjenci.

Më tej, Peleshi theksoi se shumë shpejt do të fillojë punë dhe qendra e inovacionit, sakaq përcolli dhe një mesazh për kritikët e shërbimit satelitor.

Gjatë fjalës së tij, ministri theksoi se do të ndihmojnë për të marrë informacione që do të parandalojnë aktet kriminale.

“Do të monitorohet rrjeti i kanaleve ujitëse, kulluese në mënyrë që të analizohet sipërfaqja e prekur. Monitorimi i burimeve  ujore, për qëllime të vlerësimit të sasisë së ujit”,

Do kapërcejmë mbi kokat e skeptikëve për të marrë imazhe në përdorim të shumëfishtë. Është e madhe rëndësia e bazës së të dhënave që do të krijohet nga imazhet që do marrim. Është bërë një punë shumë e madhe. Do  të jetë një agjenci e përfshirë, që do të jetë agjencia e sigurisë së informacionit gjeo-hapësinor.

Për pak javë do të fillojë punë dhe qendra e inovacionit që do të ketë kërkim shkencor, jo vetëm për sigurinë e mbrojtjes por edhe në fusha të tjera. Shërbimi satelitor do të jetë një vlerë e shtuar”- theksoi Peleshi.

LEXONI GJITHASHTU: 

• Peleshi: 2 satelitë që do i bashkohen flotës për monitorimin e territorit
• Prindërit protestë para Kryeministrisë për mbylljen e kopshtit turk