Sa kushtojnë shtesat pa leje të konfiskuara, Ibrahimaj flet për Euronews Albania

Ministrja e Financave dhe Ekonomisë Delina Ibrahimaj thotë se vlera e pallateve pa leje të konfiskuara nga qeveria do të llogaritet sipas çmimit të tregut jo kostos së tyre.

E pyetur nga gazetari i Euronews Albania nëse ka një shifër të çmimit të këtyre pasurive, ministrja u shpreh se ka nisur procesi i vlerësimit të aseteve që do të jenë subjekt i konfiskimit.

“Jemi në proces vlerësimi të aseteve që do të jenë subjekt i konfiskimit. Kthimi nuk do të jetë në bazë të kostos, por të vlerë së tregut. Pra ende nuk kemi një vlerësim të çmimit të tregut të ndërtesave që do të konfiskohen. S’ka një parashikim dhe s’kemi informacion cilat janë ndërtimet pa leje”, tha Ibrahimaj.

Gjatë konferencës për shtyp Ibrahimaj u shpreh se inflacioni në vend është ndikuar nga importi.

Teksa u ndal në shifrat, Ibrahimaj nënvizoi se inflacioni në 8 mujorin e parë të këtij viti arriti në 6.1%, më i ulëti në krahasim me vendet e rajonit.

LEXONI GJITHASHTU:

• Konfiskohen mbi 4 mijë metra katrorë pa leje në qendër të Tiranës | 5 zhvillime
• Balluku: Kush bën shtesa pa leje, do i konfiskohen nga shteti