‘Vettingu, i domosdoshëm’, Çuçi: Urgjente të riorganizojmë Policinë Kriminale

“Vettingu në Polici i domosdoshëm”. Kështu deklaroi ministri i Brendshëm Bledi Çuçi gjatë interpelancës në Kuvend me deputetin Ervin Salianji.

Çuçi u shpreh se është urgjente që të riorganizojmë Policinë Kriminale.

“Në 8 mujorin e parë të vitit 2022 janë proceduar penalisht 258 punonjës policie dhe janë arrestuar 116. Shikoni çfarë ndryshimi në këtë aspekt, vetëm me ligjin që bashkërisht e miratuan për transformimin e Agjencisë së Mbikëqyrjes Policore në Agjenci Civile të pavarur nga policia. Jemi në transformim të Akademisë së Sigurisë”, u shpreh ministri.

“Policia shkencore do të jetë në nivelin e asaj britanike. Sa i takon çështjes së emigracionit, Ministria e Brendshme ka marrë masa të shumta si nga jashtë, nëpërmjet bashkëpunimit të ngushtë me të gjitha vendet e destinacionit me të cilat shkëmbimi i informacionit është në nivelet më të larta historike, ashtu edhe nga brenda nëpërmjet forcimit të regjimit të kontrollit në kufi nga ana e Policisë Kufitare, zhvillimit të fushatave ndërgjegjësuese me kategorinë e personave në risk si dhe studimit dhe trajtimit të shkaqeve burimore të migracionit të parregullt”, tha ai më tej.

LEXONI GJITHASHTU:

• Ministria e Mbrojtjes kërkon 7 specialistë në fushën e mbrojtjes kibernetike
• Çuçi interpelancë për kriminalitetin: T’ia lëmë matematikës, ulëm numrin e vrasjeve
• Salianji- Çuçit: Të pafatë për të ndërhyjë te njerëzit që kanë lidhje me pushtetin