Bashkitë që zhgënjyen PS, Gjylameti: Takime në terren për më të mirin

Deputetja e Partisë Socialiste, Blerina Gjylameti thotë se Partia Socialiste do të bëjë një analizë të bilanceve në çdo bashki për të mbërritur tek emrat e kandidatëve për zgjedhjet lokale.

Në një intervistë për Euronews Albania Gjylameti u shpreh se mbledhja e sotme e kryesisë së PS erdhi pas dy mbledhjeve të mëhershme, që kanë qenë mbi llogaridhënien e kryebashkiakëve mbi premtimet dhe realizimet.

Faza tjetër, sqaroi deputetja, do të jetë diskutimi konkret në terren me qytetarët.

“Në çdo bashki po bëhet një analizë e bilancit të arritjeve dhe çfarë duhet bërë më mirë. Jemi ende larg emrave të kandidatëve. Rëndësi ka çfarë presin qytetarët nga ne. Ka pasur dy takime para kryesisë dhe kanë qenë mbi llogaridhënien e kryebashkiakëve mbi premtimet dhe realizimet. Dhe në bazë të tyre, kaluam në fazën tjetër që është diskutimi konkret në terren në takime me qytetarët për të zgjedhur kandidatin më të mirë. S’ka rëndësi emri, por çfarë presin qytetarët nga ne”, tha Gjylameti.

LEXONI GJITHASHTU:

• Belind Këlliçi e zbulon në Now: Kur do i nxjerrim emrat e kandidatëve për bashkitë
• Rama ‘vulos’ Bashkinë e Tiranës: S’kemi kandidaturë më të mirë se Veliaj