Nënkryetari i PD-së tregon prapaskenat e bashkimit: Çfarë po ndodh

Nënkryetari i Partisë Demokratike, Luçiano Boçi deklaroi se bisedimet me grupin tjetër në këtë forcë politike janë duke përparuar.

Në emisionin “Now” në Euronews Albania, Boçi u shpreh se ka pasur edhe rezultate nga këto bisedime, pasi disa deputetë janë afruar.

“Sinqeriteti ka të bëjë me ekzistencën apo jo të vullnetit politik, nuk jemi në rrafshin e marrëdhënieve njerëzore, por jemi në rrafshin e marrëdhënieve politike. Ai që duhet të dominojë është vullneti për të zgjidhur këtë mosmarrëveshje. Në këtë rast, ne jemi duke bërë bisedime me deputetë që kanë mendime të ndryshme.

Nuk kemi një grup të formatuar dhe brenda deputetëve ka diversione të ndryshme. Bisedimet tashmë janë në evolucion e sipër. Ne kemi biseduar dhe ka pasur edhe rezultate. Ka pasur deputetë që janë afruar, pra kemi korrur një lloj rezultati”, theksoi ai.

Pas mbledhjes me grupin e PD, deputeti demokrat, Enkelejd Alibeaj deklaroi se partia duhet të dalë me një kandidat të vetëm, për çdo bashki në zgjedhjet e ardhshme vendore.

Më herët gjatë ditës së sotme, Gazment Bardhi dhe Edi Paloka qëndruan në takim kokë më kokë për rreth 90 minuta në një nga lokalet e Tiranës.

Pas takimit, të dy refuzuan të jepnin detaje rreth asaj që kishin biseduar, por deklaruan se do të ketë një takim të dytë.

LEXONI GJITHASHTU

• Takimi me Palokën, Bardhi: Frymë e plotë mirëkuptimi, njëanshmëria nuk ndihmon
• PD-ja të dalë me një kandidat të vetëm në zgjedhjet vendore, thotë Alibeaj
• Përpjekjet për bashkimin e PD, çfarë deklaruan Paloka dhe Bardhi pas takimit