‘Zgjodhët rublat e Putinit, jo historinë’, Balla përplaset me opozitën në Kuvend

Diskutimet lidhur me krizën energjetike sollën debate mes mazhorancës dhe opozitës në seancën e së enjtes.

Kreu i grupit parlamentar të PS, Taulant Balla akuzoi kreun e PD Sali Berisha se është kundër çdo investimi amerikan, teksa solli në vëmendje HEC-in e Skavicës.

Ai u bëri thirrje deputetëve të PD të distancohen nga Putin dhe paratë ruse, që sipas tij janë investuar në PD.

“Ju duhet të distancoheni nga rublat ruse. Ai duhet të japë përgjegjësi se si ka mundësi që kundërshton një investim amerikan, votoi një rezolutë që e ka zanafillën tek një rezolutë e hartuar në Moskë. E vërteta është që në ditët në vijim duhet të bëheni gati për fakte të tjera. Se PD është financuar me 600 mijë dollarë, me burim Kremlinin. Nuk patët kurajë dhe të kërkonit se si ka mundësi që PD ka rënë pre e këtyre parave. Në luftë ka nevojë të jemi të bashkuar, por një pjesë e juaja ka zgjedhur prej kohësh të jetë në krah të Putinit, jo në anën e duhur të historisë”, tha Balla.

LEXONI GJITHASHTU:

• Balla: Falënderojmë qytetarët që i lajnë rrobat me 30 gradë
• Balla: Jemi tërhequr nga paketa anti-shpifje, ekziston rreziku i financimit rus