Motoristja 6-vjeçare sfidon frikën dhe moshën, Nina: Më pëlqen shpejtësia

Tringa dhe Nina Ahmetaj, nënë e bijë treguan në një intervistë për Euronews Albania se si është eksperienca e një fëmije 6 vjeç mbi motor.

“Nina e vogël ka pasur shumë dëshirë të merret me këtë sport. Hapat e parë i ka filluar me një biçikletë, pastaj me një motoçikletë pak më të thjeshtë, pastaj me një më të madhe, më profesionale,” – tregoi Tringa, mamaja e 6-vjeçares.

Vetë Nina tha se i pëlqen shumë shpejtësia dhe e ka ndarë me shokët dhe shoqet eksperiencën e saj tani që ka nisur klasën e parë.

Vogëlushja nga Kosova është e para që merret me këtë sport në moshën e saj dhe është fituese e shumë çmimeve në gara të realizuara në Ballkan dhe Europë.

Pavarësisht kësaj, Tringa tregon se paragjykohet si një nënë që rrezikon fëmijën. Ajo beson se në të ardhmen Nina do jetë një motoriste e zonja dhe do vijojë me përkrahjen deri kur 6-vjeçarja të realizojë ëndrrën e saj.

LEXONI GJITHASHTU:

• Gara ndërkombëtare e notit/ Shqipëria dhe Kosova rrëmbejnë më shumë medalje
• Skiatorja Lara Colturi renditet e para në garën e Amerikës Latine