A është i favorizuar Këlliçi në garën brenda PD? Përgjigjet Gerti Bogdani

Gerti Bogdani, ish-deputet i Partisë Demokratike, kandidat për primaret për t’u shpallur kandidat i opozitës për kryebashkiak i Tiranës, komentoi garën brenda PD, ku veç tij deri tani është konfirmuar vetëm Belind Këlliçi.

Në një intervistë për Euronews Albania, i pyetur nëse Këlliçi është më i favorizuar në këtë garë duke qenë se ka qenë më pranë kryetarit Sali Berisha gjatë këtij viti, u shpreh se kontributi në parti nuk matet me një vit por me vazhdimësinë.

“Nuk ka të bëjë aspak. Plus Berisha e ka bërë të qartë se të gjithë kandidatët janë të barabartë në garë. S’mund të shihet vetëm viti i fundit, pasi historia e tranzicionit është 30-vjeçare, dhe nga ana tjetër është anëtarësia që do ta votojë dhe nxjerrë kandidatin. Kjo është nja nga risitë që ka sjellë Berisha dhe është një risi që e nxjerr një kandidat më të fortë; se është ndryshe kur ke vetëm emërimin nga kryesia dhe ndryshe kur ke mbështetjen e të gjithë anëtarësisë dhe edhe përgjegjësia dhe përgjegjshmëria është më e madhe. Në këtë rast, historia politike në Shqipëri nuk është 1-vjeçare”, tha Bogdani.

LEXONI GJITHASHTU:

• Kandidatët përballë Veliajt, Bogdani: Gara është e vështirë, por e hapur
• Bushati i drejtohet Bogdanit: Do ishte mirë po të kandidoje për Tiranën, por s’fiton