A do të votojë PL në primaret e PD-së? Tedi Blushi: E mbështesim plotësisht

Sekretari i Përgjithshëm i Partisë së Lirisë, Tedi Blushi u shpreh në një intervistë për Euronews Albania primaret janë një proces që do të përfshijnë të gjithë faktorin opozitar.

Ai u shpreh se PL ka mbështetur gjithmonë këtë proces, i cili është i përbashkët.

“Ne si Parti e Lirisë do ta mbështesim këtë proces. Në momentin që do të gjykojmë që ka figura të cilat padiskutim nuk do të mungojnë dhe që janë fitues në këtë garë, sigurisht që do kemi primare të përbashkta me PD-në, por edhe me parti të tjera të opozitës.  Është një proces që do të përfshijë gjithë faktorin opozitar. Ne kemi rënë dakord që ta mbështesim këtë proces. Është një proces i përbashkët, ku do të përfshihet jo vetëm PL dhe PD”, u shpreh Blushi.

“Sekretari Politik është drejtuesi i gjithë aksionit politik. Ne dje kemi përcaktuar edhe drejtuesit për 4 qarqet. Për Tiranës do të jetë Endrit Brahimlari, Monika Kryemadhi për qarkun Fier, Edmon Haxhinasto për Elbasanin dhe Elona Gurin për qarkun e Durrësit”, tha ai më tej.

LEXONI GJITHASHTU:

• Cilën PD do regjistrojë në zgjedhje? Celibashi: Do vendosim kur të na vijë kërkesa
• Celibashi: 5.3 mld lekë do jetë kostoja e zgjedhjeve vendore
• Begaj cakton 14 majin, Celibashi: Gati për të respektuar standardet ndërkombëtare