Qafa: S’është mbyllur hetimi për sasinë e parë, po hetohen punojnësit e kompanisë

Avokati i kompanisë “Ziko”, Ilir Qafa thotë se hetimi për ngjarjen e ndodhur disa muaj më parë, ku një kontejner u grabit, ende po vazhdon.

Në emisionin “Review” në Euronews Albania, Qafa nënvizoi se lidhur me këtë rast, po hetohen edhe punonjës të kompanisë.

“Ai proces është akoma në ecje e sipër, një proces që nuk është mbyllur përfundimisht. Prokuroria është duke hetuar, aty pjesë kanë qenë edhe punonjës të kompanisë. Me gjithë respektin për përpjekjet, nuk është e mundur që të lidhësh me patjetër, autorësinë e asaj ngjarjeje me stafin e kompanisë. Mund ta imagjinoj se si mund të përfundojë ky proces. Është një proces në krye e sipër”, theksoi ai.

Më 17 korrik, një kontejner i ardhur me banane nga Amerika Latine u gjet i hapur në portin e Durrësit.

Personat kanë marrë nga aty disa arka në të cilat dyshohet se ka pasur kokainë. E gjithë situata u ka shpëtuar punonjësve të sigurisë duke bërë që autorët të largohen pa problem.

LEXONI GJITHASHTU

• Avokati i Trifon Murataj tregon itenerarin e kontejnerit ku u zbulua kokaina
• Në kërkim për kapjen e 33.5 kg kokainë në Durrës, avokati: Ku ndodhet Trifon Murataj
• Dyshime për kokainë në Durrës, grabitet kontejneri, 20 të arrestuar