Vajza më e gjatë në botë: Fluturova 15 orë e shtrirë në avion për në Amerikë

Rumeysa Gelgi e cila është vajza më e gjatë me një gjatësi 2 metra e 15 centimetra ka dhënë një intervistë ekskluzive për emisionin “Good Morning Albanians” në Euronews Albania.

25-vjeçarja tha se ka udhëtuar 15 orë nga Stambolli deri në Los Angeles në SHBA, dhe ky ka qenë udhëtimi i parë në jetën e saj.

E reja tha se gjatë udhëtimit ka qëndruar shtrirë në avion për shkak se vuan dhe nga skoliozë, e për pasojë nuk mund të qëndrojë më shumë se dy orë ulur.

“Nga Stambolli në  Los Angeles ka qenë udhëtimi i parë në jetë. Ishte një udhëtim goxha i gjatë,  dhe shumë më pyesnin përse isha shtrirë. Nuk isha shtrirë për shkak të gjatësisë por për shkak të gjendjes së shpinës time.

Unë kam lindur me skoliozë dhe jam operuar 17-vjeçe. Nuk mund të ulem më shumë se sa dy orë në ditë, pas dy orësh më duhet të shtrihem sepse ka shumë presion të peshës mbi shpinën dhe kjo ka të bëjë dhe me zemrën. Udhëtimi ishte 15 orë  dhe nuk mund të rrija shtrirë”- u shpreh ajo.

LEXONI GJITHASHTU: 

• Flet gruaja më e gjatë në botë: Shumicën e kohës më duhet të rri shtrirë
• U pushua nga puna se ishte shtatzënë, ish-punonjësja e Twitter paralajmëron Musk