Koreja i Veriut i përgjigjet SHBA-ve: S’kemi marrëveshje armësh me Rusinë

Koreja e Veriut deklaroi se nuk ka pasur kurrë marrëveshje armësh me Rusinë dhe nuk ka plane ta bëjë këtë, njoftoi media e saj shtetërore.

Deklarata vjen pasi Shtetet e Bashkuara thanë se Koreja e Veriut duket po furnizon Rusinë me predha artilerie për lufta e saj në Ukrainë, shkruan Reuters.

Një zyrtar i ministrisë së mbrojtjes së Koresë së Veriut i quajti akuzat një thashetheme dhe tha se Pheniani “asnjëherë nuk ka pasur ‘marrëveshje armësh’ me Rusinë” dhe nuk ka “asnjë plan për ta bërë këtë në të ardhmen”.

“Ne i konsiderojmë lëvizje të tilla të SHBA-së si pjesë të përpjekjes së saj armiqësore për të njollosur imazhin e DPRK-së në arenën ndërkombëtare duke thirrur “rezolutën e sanksioneve” të paligjshme të (Këshilli i Sigurimit i OKB-së) kundër DPRK-së”, tha zyrtari në një deklaratë.

Zëdhënësi i Sigurisë Kombëtare të Shtëpisë së Bardhë, John Kirby tha javën e kaluar se Shtetet e Bashkuara kanë informacione që tregojnë se Koreja e Veriut po furnizon fshehurazi Rusinë.

LEXONI GJITHASHTU

• Zgjerohet harta e sulmeve në Ukrainë, rusët bombardojnë Kievin
• SHBA inkurajon Ukrainën që të jetë e hapur për bisedime me Rusinë
• Holanda do të furnizojë Ukrainën me tanke dhe armë