FOTO | Provokon Vuçiç, nderon serbët që u larguan nga institucionet e Kosovës

Presidenti i Serbisë, Aleksandër Vuçiç ka nderuar zyrtarët serbë, të cilët u larguan nga institucionet e Kosovës.

Vuçiç nderoi me medalje ish-drejtorin e Drejtorisë Rajonale të Policisë së Mitrovicës së Veriut, Nenad Gjuriç dhe shefin e Operacioneve Rajonale të kësaj drejtorie, Aleksandër Filipoviç, shkruan Euronews Serbia.

“Ju iu bindët vendit tuaj, edhe kur nuk jeni pajtuar me vendimet e tij, keni bërë atë që ju ka dashur zemra dhe jeni sjellë me nder, kur ju penguan të kryeni detyrën”, theksoi Vuçiç në Presidencën e Serbisë në Beograd.

Sipas tij, autoritetet në Kosovë, duke zbatuar vendimin për riregjistrimin e makinave, kanë dashur të shkaktojnë incidente dhe të poshtërojnë popullin serb.

Serbët në Kosovë vazhdojnë të dorëzojnë dorëheqjet e tyre në institucionet e Prishtinës, pas vendimit për targat.

Pas përfaqësuesve politikë, policëve, gjyqtarëve dhe prokurorëve, sot dorëheqjet kanë dhënë edhe zyrtarët e lartë të komisioneve komunale zgjedhore.

LEXONI GJITHASHTU

• “Kosova do konflikte dhe poshtërim të serbëve’, Vuçiç niset drejt Parisit
• Abdixhiku paralajmëron Kurtin: Kosova nuk mund të ecë pa përkrahjen e SHBA-ve
• Jevtiç: Nëse dhuna vijon, edhe serbët në jug të Ibrit të largohen nga institucionet