Agim Nesho sulmon Ramën: I çmendur, kush e dëgjon s’ka integritet, s’ka vizion

Zv. kryetari i Partisë së Lirisë, Agim Nesho e cilësoi kryeministrin Rama “të çmendur” dhe u shpreh se ata që e dëgjojnë nuk kanë as integritet, as vizion.

Sipas Neshos Rama nuk është një lider që merret me problemet e vendit dhe është i vetëdijshëm për llojin e fjalimeve që mban në parlament.

“Rama ka një gjë që po të shtypi njëherë me këmbë nuk ka më respekt për ty, prandaj kjo lloj retorike kaq e ashpër, e papranueshme, një çmenduri. Kur e dëgjon një njeri, po mos ta dish që është në parlamentin e Shqipërisë do thuash ka vajtur një i çmendur aty dhe po flet me një fjalor që asnjë nga ata deputet që është aty po të kishin integritet nuk do të qëndronin,” – deklaroi Nesho në “Now me Erla Mëhillin”.

Zv. kryetari i PL-së tha fakti që kryeministri nuk ka asnjë plan për zhvillimin ekonomik mund të jetë arsye e këtij niveli të diskursit politik.

LEXONI GJITHASHTU:

• Kreshnik Spahiu: Me Berishën në krye të opozitës, Rama e ka të sigurt pushtetin
• Nesho: Meta-Berisha kanë moral që t’i besojnë shqiptarët, e kanë treguar që 30 vjet