Sekuestrohen armë zjarri, municion luftarak dhe kanabis, 2 të arrestuar në Fier

Dy persona janë arrestuar ditën e sotme në Fier pasi janë kapur me armë zjarri dhe lëndë narkotike, kanabis.

Policia bën me dije se në kuadër të operacionit të koduar “Territori”, është arrëstuar 18-vjeçari i identifikuar si O.L pasi është kapur me një armë zjarri, municion luftarak dhe kanabis të ndarë në doza.

Po ashtu në kuadër të këtij operacioni në pranga ka rënë dhe 20-vjeçari A.C i cili u kap duke drejtuar automjetin, pa leje drejtimi. Gjatë kontrollit, 20-vjeçarit iu gjet dhe iu sekuestrua një sasi lënde e dyshuar narkotike cannabis sativa, e ndarë në doza. Në vijim të verifikimeve, rezultoi se i riu kishte thyer masën e sigurisë “Arrest në shtëpi”, të caktuar nga Gjykata e Fierit, për veprimtari kriminale në fushën e narkotikëve.

Policia në finalizim të këtij operacioni sekuestroi  një armë zjarri (pistoletë), municion luftarak dhe sasi lënde narkotike kanabis,

Materialet procedurale i kaluan Prokurorisë, për veprime të mëtejshme.

LEXONI GJITHASHTU: 

• VIDEO | Të maskuar me kapuç, si u grabit dyqani i pajisjeve elektronike në Vlorë
• Studenti: I kërkojmë pedagogëve të na bashkohen në protestë, nuk na janë përgjigjur