Inxhinieri biomjekësor: Njerëzit, një lloj majmuni i avancuar prej teknologjisë

Inxhinieri biomjekësor, Ermand Mertenika thotë se njerëzit janë një lloj majmuni i avancuar për shkak të tekonologjisë.

Në emisionin “Good Morning Albanians” në Euronews Albania, Mertenika e ka konsideruar si një lloj metamorfoze, ndryshimin që mund të pësojë njeriu pas shumë vitesh, për shkak të përdorimit të pajisjeve tekonologjike.

“Unë mund ta konsideroj një lloj metamorfoze ndryshimin. Teknologjia është ajo që po ndikon dhe po e bën këtë pjesë. Mund të jemi një lloj majmuni shumë i avancuar në aspektin e teknologjisë.

Duke pasur parasysh që gjatë gjithë kohës jemi duke përdorur smartphone për të kërkuar informacion, ose duke procesuar në kompjuter. Mendoj që ky është një prototip që 90% është i saktë”, theksoi ai.

Për shumë njerëz, një moment i vetëm pa telefonin ose laptopin në dorë mund të duket si një jetë e tërë. Por një model i tmerrshëm mund t’ju inkurajojë të kaloni më pak kohë me pajisjet tuaja teknologjike. Studiuesit kanë krijuar një model grotesk të quajtur ‘Mindy‘, për të cilin ata thonë se ofron një paraqitje të përafërt se si mund të duken njerëzit në më pak se 800 vjet si rezultat i mbështetjes sonë në teknologji.

Me një shpinë të përkulur, qafë të gjerë, dorë me kthetra dhe madje edhe një grup të dytë qepallash, Mindy ‘mund të jetë njeriu i 3000 e më tej’.

LEXONI GJITHASHTU

• Petrina Mataj: Vetëm problemet shëndetësore mund të më ndajnë nga teknologjia
• Teknologjia kundër informalitetit, inteligjencë artificiale për pronat ilegale
• Musk: Shpresoj që teknologjia e makinave vetëdrejtuese të jetë gati në fundvit