​Isa Mustafa për Vjosa Osmanin: I pranoj mendimet ndryshe, por jo veprimet ndryshe

Kryetari i LDK-së, Isa Mustafa tregoi se pse mori vendim për lirimin e Vjosa Osmanit nga pozitat drejtuese në parti.

Ai tha se disa veprime të Osmanit kanë qenë të papranueshme për LDK-në dhe për këtë qëllim kanë zbatuar statutin e partisë, raporton KosovaPress.

“Me veprimet e saj Vjosa Osmani ka rënë në kundërshtim me statutin e partisë, pasi sipas statutit asnjë zyrtar i partisë nuk mund të jetë në strukturat udhëheqëse nëse vepron në kundërshtim me vendimet e partisë.

Kundërshtimi i saj për votimin e Hotit, kundërshtimi i mocionit, dhe disa veprime të sajë na kanë detyruar të shkarkojmë nga pozitat drejtuese. I pranojmë mendimet ndryshe, por jo veprimet ndryshe”, tha Mustafa.

Megjithatë, u shpreh se është i gatshëm të bisedojë me Osmanin, nëse ajo shpreh interesim për rikthim.

“Në qoftë se zonja Osmani dëshiron të komunikojë unë jam i hapur të bisedoj me të. Por në qoftë se ajo mendon për hapjen e ndonjë iniciative, është e drejtë e saj. Ne e falënderojmë për punën dhe aktivitetin e bërë në LDK, por nuk e diktojmë se çfarë të bëjë me të ardhmen”, tha ai në Pressing.

Lexoni gjithashtu:

Osmani etiketon Hotin si arrogant: Qasja e tij është për të ardhur keq