Analistët në Kosovë: Zgjedhjet në veri, të pamundura pa serbët

Liderët kosovarë zhvilluan takime me liderë të rëndësishëm europian gjatë Samitit të Paqes në Paris.

Këto takime, për analistin Artan Muhaxhiri, janë me rëndësi për të ardhmen e dialogut Kosovë-Serbi.

“Duke njohur stilin politik të Presidentit Macron, është e pritshme që kërkesat e tij nga kryeministrit Kurti dhe Presidentes Osmani, kanë qenë të sakta dhe të drejpërdrejta”, tha ai.

Por pritje të njëjta nuk ka analisti Kushtrim Sadiku.

“Nuk shoh gatishmëri nga të dy palët në atë drejtim, e shoh si një moment të humbur”, nënvizoi analisti.

Sipas analistëve, kryeministri Albin Kurti duhet të fokusohet te plani franko-gjerman.

“Duhet që 100% të jetë pro planit franko-gjerman. Kjo është mënyra më realiste për të shkuar përpara. Kurti insiston në një bazë të mirë të planit franko-gjerman”, thanë ata.

Edhe përpjekja e institucioneve të Kosovës për të zhvilluar zgjedhje lokale në veri, pa dakordësinë serbëve, po konsiderohet një farsë.

“Të gjitha segmentet e shoqërisë në pjesën veriore kontrollohen nga Beoagradi, pa një zgjidhje politike, nuk mund të ketë zgjedhje legjitime në pjesën veriore të Kosovës”, theksuan ata.

LEXONI GJITHASHTU

• Haziri: LDK nuk kërkon zgjidhje politike, por Kurti të arrijë marrëveshje me Serbinë

• Çfarë u kërkoi Borrell, Kurtit dhe Vuçiçit gjatë takimeve në Francë
• Deputeti i VV kritikon Kurtin: Qasje e gabuar ndaj ndërkombëtarëve për targat