Pelosi dorëhiqet nga posti i kryetares së demokratëve në Dhomën e Përfaqësuesve

Nancy Pelosi njoftoi tërheqjen nga posti i kryetares së demokratëve në Dhomën e Përfaqësuesve të SHBA-së.

Ajo do të vazhdojë të përfaqësojë distriktin e saj të Kalifornisë në dhomën e ulët të Kongresit.

“Tani ne duhet të lëvizim me guxim në të ardhmen. Ka ardhur ora për një brez të ri.”, tha Pelosi.

Pelosi pritet të mbështesë përfaqësuesin e Nju Jorkut, Hakeem Jeffries si udhëheqës të pakicës demokrate në Dhomën e Përfaqësuesve. Demokratët e Dhomës së Përfaqësuesve do të mbajnë një votim për lidershipin më 30 nëntor.

Republikanët në Shtetet e Bashkuara të Amerikës kanë marrë kontrollin e Dhomës së Përfaqësuesve në zgjedhjet e mesit të mandatit, ndërsa demokratët do të kontrollojnë Senatin.

Një ndër vendimet e para të Dhomës republikane të Përfaqësuesve pritet të jetë shpërndarja e komisionit hetimor për ngjarjet e 6 janarit të vitit 2021, kur u sulmua Kapitoli nga mbështetësit e ish-presidentit Trump.

LEXONI GJITHASHTU

• Zgjedhjet në SHBA, republikanët marrin Dhomën e Përfaqësuesve
• SHBA-ja sanksionon 6 punonjës të medias në Iran
• Kremlini konfirmon: Zhvilluam bisedime me SHBA-të në Ankara