Avokati Lapaj: Vendi po qeveriset nga minoranca

Avokati Adriatik Lapaj teksa komentoi sondazhin e Euronews Albania u shpreh se aktualisht vendi qeveriset nga minoranca.

Gjatë bisedave në emisionin “Barometri”, avokati nënvizoi se qeverisë së vendit i besojnë  18,5% e qytetarëve, që do të thotë që 1 në 5 shqiptarë mandaton qeverinë.

“I besojnë qeverisë së vendit 18,5% e qytetarëve. Do të thotë 1 në 5 shqiptarë mandaton qeverinë, që do të thotë që ne jemi peng të sistemit zgjedhor, që do të thotë ky vend qeveriset me minorancën më të madhe të mundshme. Ky është deduksioni që bëj unë këtu. Sistemi elektoral bën që një parti politike që sot ka mbështetjen e deklaruar të 18.5% të qytetarëve, pra 1 në 5 qytetarë, arrin dhe mban pushtetin”, u shpreh ai.

Besueshmëria e socialistëve tek qeveria ka pësuar një rënie muajin e fundit.

Sipas sondazhit të Barometit në Euronews Albania besueshmëria e votuesve të PS-së për muajin shtator ishte 58.5%, ndërkohë që në muajin tetor ka pasur një rënie në 50.8%.

Por në ketë periudhë është rritur numri i socialistëve neutral. Ndërsa është rritur numri i votuesve të PS që kanë humbur besimin tek qeveria nga 10.8% në shtator, numri i atyre që nuk i besojnë qeverisë ka shkuar në 11.4 në tetor

LEXONI GJITHASHTU: 

• Manjani-Luarasit: Mos më cito keq, në sondazh është emri i Yuri Kim-it
• Manjani: Sondazhin çojani DASH-it, Kim është më e keq-kuotuara nga shqiptarët