“Në Shkodër vijon tërheqja e ujit”, Peleshi për situatën e përmbytjeve

Ministri i Mbrojtjes, Niko Peleshi është shprehur se situata me përmbytjet në Shkodër po përmirësohet.

“Reshjet e shiut me intensitet të ulët, në Shkodër vijon tërheqja e ujit nga tokat. Aktualisht janë 26 familje me 99 anëtarë të evakuuar në Shkodër”, tha ai.

Sa i përket Lezhës, ministri nënvizoi se aktualisht ka prani të ujit vetëm në 4 banesa, nga 24 banesa që kishte dje.

“Rrugët janë të kalueshme në veri të vendit, me përjashtim të disa akseve. Ka pasur një bashkëpunim të mirë me bashkitë, sidomos në zonat e veriut ku ishin më problematike”, u shpreh ministri.

Shqipëria prej tre ditësh është përfshirë nga reshjet e dendura të shiut, ku situata më problematike ka qenë në Shkodër.

Si pasojë e motit të keq dy persona në Malësi të Madhe humbën jetën mesditën e së dielës pasi makina me të cilën po udhëtonin u mor përpara nga rrjedha ujit.

Ndërkohë në Durrës problematike paraqitet situata në zonën e ish-Kënetës, ku ditën e djeshme uji u fut deri në katet e para të banesës.

LEXONI GJITHASHTU:

• Alibeaj kërkesë qeverisë: Të shpallet gjendja e jashtëzakonshme në 3 qarqe
• VIDEO/ Bora zbardh qarkun e Korçës, asnjë problem në akset rrugore
• ‘Britmat na thyen zemrat’, rrëfehen fqinjët për vrasjen e çiftit shqiptar në Itali