“Shqiponja” valvitet në majën e Bistrës, Palushi: Na u deshën 8 orë për t’u ngjitur

Alpinisti Nexhat Palushi, në një intervistë për Euronews Albania, tregoi vështirësitë që kanë hasur në valvitjen e flamurit në majën e Bistrës, ditën e djeshme.

Ai tha se të tre alpinistëve iu deshën 8 orë për të shkuar dhe për të ardhur.

Alpinisti ndër të tjera theksoi se vendosën që ta bëjnë aty valvitjen e flamurit për shkak të peisazhit.

“Ne jetojmë në Prizren, afër Prevallës, diku në Bjeshkët e Shalës, ne vijën kufitare Kosovë-Maqedoni, gjendet Maja e Bistrës në vargmalet e Sharrit. Temperatura ishte -10  gradë, por ne arritëm të bëjmë një video dhe pse ishte e vështirë të ngrinim dronin. Me insistimin tonë, ia arritëm që të ngjiteshim në majë të Bistrës.

Vendosëm që ta bënim aty valvitjen e flamurit për shkak të peisazhit. Unë e kisha më shumë problem pasi më duhej të kontrolloja dronin. Kisha shumë ftohtë. U deshën 7-8 orë vajtje e ardhje. Çdo gjë shkoi mirë dhe video doli shumë bukur.”- theksoi ai.

LEXONI GJITHASHTU: 

• Humbja e Belgjikë ndaj Marokut, të rinjtë i ‘vënë zjarrin’ Brukselit
• VIDEO/ Mijëra shqiptarë në Sheshin e Flamurit në Vlorë për 110 vjetorin
• Dita e flamurit, Meta: Përulem me nderim para veprës së ndritur të Ismail Qemalit