KQZ-ja certifikon 12 kandidatë për zgjedhjet në veri

12 kandidatë janë certifikuar për zgjedhjet e jashtëzakonshme për kryetar në 4 komunat në veri të Kosovës që do të mbahen më 18 dhjetor.

Komisioni Qendror i Zgjedhjeve bëri të ditur se në mbledhjen e mbajtur më 28 nëntor, përveç certifikimit të kandidatëve dhe subjekteve politike ka emëruar edhe Komisionet Komunave të Zgjedhje.

Sipas njoftimit janë certifikuar:

Në Lesapoviç:

1. Albulena Behluli-Hetemi nga Partia Demokratike e Kosovës
2. Lulzim Hetemi nga Lëvizja Vetëvendosje
3. Aleksandar Jabllanoviç nga Partia e Serbëve të Kosovës

Në Zubin Potok:

1. Izmir Zeqiri nga PDK-ja
2. Flatron Hasani nga LVV-ja

Në këtë komunë nuk ka kandidatë nga partitë serbe.

Në Zveçan:

1. Ilir Peci nga PDK-ja
2. Fetah Peci nga LVV-ja
3. Kandidatja e pavarur Sladjana Pantoviç

Në Mitrovicën e Veriut:

1. Betim Osmani nga Iniciativa Qytetare Mitrovica
2. Taulant Kelmendi nga PDK-ja
3. Erden Atiç nga LVV-ja
4. Aleksandër Arsenijoviç nga Iniciativa Qytetare Mbijetesa Serbe

Zgjedhjet e jashtëzakonshme për kryetarë komune në katër komunat në veri, po mbahen pas tërheqjes së serbëve nga institucionet e Kosovës, në shenjë pakënaqësie me një vendim të Qeverisë në Prishtinë lidhur me riregjistrimin e makinave me targa serbe.

LEXONI GJITHASHTU:

• Të rinjtë nuk dinë si votohet në zgjedhjet lokale, gjetjet e Barometrit
• Situata në veri të Kosovës është shumë e tensionuar, thotë ministri serb i Mbrojtjes