Pas Kosovës, delegacioni amerikan i kryesuar nga Grenell vazhdon vizitat në Serbi

Pas Prishtinës, delegacioni i qeverisë amerikane ndalon sot në Beograd në një takim me presidentin serb Aleksandër Vuçiç dhe kryeministren serbe Ana Bernabic.

Takimi i të dërguarit të presidentit Trump për dialogun Ricard Grenell dhe drejtorit ekzekutiv i Korporatës Ndërkombëtare të Financave dhe Zhvillimit në Shtetet e Bashkuara Adam Boehle do të mbahet rreth orës 14 në Pallatin e Serbisë, pas së cilës përfaqësuesit e dy delegacioneve do të nënshkruajnë deklaratën e përbashkët.

Një dokument të tillë, zyrtarët amerikanë kanë nënshkruar të hënën edhe me kryeministrin e Kosovës, Avdullah Hoti. Turi i delegacionit të qeverisë amerikane në Europë vazhdon deri më 25 shtator me ndalesë në Athinë dhe Jerusalem.