Gjykatë për krimet ruse, BE: Ukraina të rindërtohet me paratë e oligarkëve

30 Nëntor 2022 | 15:05

Bashkimi Evropian do që Rusia të mbahet përgjegjëse për krimet e kryera në Ukrainë.

Presidentja e Komisionit Evropian, Ursula von der Leyen ka propozuar krijimin e një gjykate të specializuar të mbështetur nga OKB, për të hetuar dhe proceduar krimet ruse.

Krijimi i gjykatës ishte kërkuar disa herë nga presidenti ukrainas Volodymyr Zelensky, në fjalimet e shumta të mbajtura në parlamentet e vendeve evropiane.

“Rusia duhet të paguajë për krimet e saj të tmerrshme, si dhe për agresionin e një shteti sovran”, tha von der Leyen.

Një ligj i ri është duke u përgatitur për të përdorur asetet e ngrira ruse për rindërtimin e Ukrainës.

“Rusia duhet gjithashtu të paguajë financiarisht për shkatërrimin që ka bërë. Dëmi i shkaktuar vlerësohet në 600 miliardë euro. Rusia dhe oligarkët e saj duhet të kompensojnë Ukrainën për dëmet dhe të mbulojnë kostot për rindërtimin e saj. Kemi mjetet për ta detyruar Rusinë”, u shpreh ajo.

Deri tani janë 300 miliardë eurot e rezervave të Bankës Qendrore Ruse dhe 19 miliardë të tjerë nga oligarkët. Por kjo nuk do të thotë se të gjitha paratë mund të përdoren.

Ligjet e reja nuk do të funksionojnë në mënyrë prapavepruese dhe paratë që do të konfiskohen duhet të lidhen me krime që janë të provuara.

LEXONI GJITHASHTU

Home Kryefaqja
Shiko në: YouTube
Lajme të Sugjeruara

Ishte nisur nga Gjermania, rrëzohet një aeroplan i vogël në Kroaci! Humbin jetën 4 persona

Katër persona humbën jetën të enjten pas një aksidenti të një aeroplani të vogël pranë qytetit Medulin në Istria, në bregdetin e Kroacisë. “Sipas informacionit që...
14:50 | 04/06/2026

11 raste në një javë, disa avionë rusë janë interceptuar në Baltik

Avionët luftarakë francezë u ngritën 11 herë gjatë javës së kaluar si pjesë e Misionit të Patrullimit Ajror Baltik të NATO-s, tha të enjten zëdhënësi...
14:27 | 04/06/2026

11 vende evropiane kërkojnë rregulla më të ashpra të vizave nga BE për qytetarët rusë

Njëmbëdhjetë shtete anëtare të BE-së i kanë kërkuar Komisionit Evropian të vendosë kufizime më të rrepta dhe detyruese për vizat Shengen për qytetarët rusë, duke...
14:22 | 04/06/2026