Cili është mesazhi i protestës më 6 dhjetor? Flet anëtari i Këshillit Kombëtar të PD

Anëtari i Këshillit Kombëtar të Partisë Demokratike, Akil Kraja thotë se protesta e 6 dhejtor ka vetëm një mesazh, se Shqipëria nuk e negocion në asnjë mënyrë integrimin euroatlantik dhe se në vend nuk po lejohet pluralizmi.

Në një intervistë për Euronews Albania, Kraja u shpreh se protesta ka si qëllim t’i tregojë partnerëve tanë evropianë që Shqipëria e do Evropën.

“Mesazhi është një dhe vetëm një. Shqipëria nuk e negocion në asnjë mënyrë integrimin euroatlantik. Ne nuk do të lejojmë kurrë që një qasje autokratike, një qasje anti-evropiane, një qasje që ka votuar disa herë, tentativa, draft ligje për të shtypur lirinë e shtypit.

Protesta ka një qëllim, t’i tregojë partnerëve tanë evropianë që Shqipëria e do Evropën, që opozita shqiptare është aty për të qenë garante që për normat evropiane, vlerat evropiane nuk do të negociohet. Dhe t’i prishim mundësinë për të gënjyer partnerët evropianë, një kryeministri, i cili nuk lë rast për të gënjyer shqiptarët”, theksoi ai.

Partia Demokratike ka njoftuar se qytetarët më 6 dhjetor do të grumbullohen sërish para Kryeministrisë.

Por edhe këtë të enjte, drejtuesit e policisë i komunikuan përfaqësuesve të Partisë Demokratike që zhvillimi protestës në atë pjesë të bulevardit nuk do të jetë i mundur.

 

 

LEXONI GJITHASHTU

• Petro Koçi për protestën e 6 dhjetorit: Fryma berishiste në PD është shumë e fortë
• Çfarë do të ndodhë më 6 dhjetor? Policia e ndalon protestën, PD nuk tërhiqet
• Berisha: Përshëndes Steinmeier, mirënjohje për kujdesin që tregoi ndaj Nishanit