Protesta e opozitës, Ilir Meta mbërrin në selinë e PD-së

Kryetari i Partisë së Lirisë, Ilir Meta ka mbërritur në selinë e Partisë Demokratike, pak para fillimit të protestës, që do të mbahet në orën 12:00.

Meta hyri në ambientet e brendshme të selisë blu, ku do të ketë edhe një takim me kryedemokratin, Sali Berisha.

Më herët, në seli mbërriti Berisha, i cili në një deklaratë të shkurtër për mediat, Berisha se Tirana po zien dhe të gjithë qytetarët duhet të dalin në shesh.

“Tirana po zien, e tëra në shesh. Rroftë Tirana, rroftë Shqipëria”, u shpreh Berisha para gazetarëve.

Protesta e Partisë Demokratike do të zhvillohet krahas samitit të Bashkimit Evropian me vendet e Ballkanit Perëndimor. Më herët, Berisha ka thënë se protesta do të mbahet para Kryeministrisë.

Edhe pse policia nuk ka dhënë leje për protestën brenda perimetrit të sigurisë, Berisha është shprehur se populli opozitar do të mbushë rrugët dhe sheshet e Tiranës.

LEXONI GJITHASHTU

• ‘Tirana po zien, të gjithë në shesh’, Berisha mbërrin në selinë e PD-së
• ‘Uragan i paparë’ në orën 12:00, çfarë paralajmëron Berisha
• Protestuesit do mblidhen te sheshi “Skënderbej”, detaje nga protesta e PD-së