“Zbatoi porosinë e vëllait mysliman”, Berisha: Sulmi i përgatitur nga Rama

Kreu i Partisë Demokratike Sali Berisha gjatë një komunikimi për mediat në selinë blu pak pas protestës së zhvilluar ditën e sotme foli mbi sulmin e kryer ndaj tij, teksa u shpreh se ai është përgatitur nga kryeministri Rama dhe ministri i Brendshëm Bledi Çuçi.

Berisha tha se autori ka pohuar se ka zbatuar porosinë e një vëllai mysliman, por sipas tij porositësi është vetë Edi Rama dhe ministri Bledi Çuçi.

“Ai u paraqit se zbatoi porosinë e një vëllai mysliman. Është e regjistruar ku thotë se zbatoi porosinë e një vëllai. Në fakt porosi e vëllait është një vëlla pa fe, apo që ndërron fe sa herë i nevojitet, porosia është e Edi Ramës apo ministrit të tij, Çuçi. Nuk mendoj të jetë kush tjetër përveç Ardi Veliut. Nuk kam asnjë provë, por Ardi Veliu në kupolën e policisë është krimineli që mund të stisë dhe të organizojë çdo gjë. Ky është bashkëpunëtor i policisë kriminale, i përdorur për rrjetet e trafikantëve të drogës dhe mes besimtarëve myslimanë. Këto të dy janë përdorimet kryesore”, tha Berisha.

LEXONI GJITHASHTU:

• “Vërtetimi i mjekut nuk ka datë”, Berisha: Shehu është agjent i policisë kriminale
• Dëmtime në fytyrë, gjendja shëndetësore e 31-vjeçarit që goditi Berishën