Gert Shehu kërkon që të mos ndiqen penalisht truprojat e Sali Berishës

Agresori i Sali Berishës, Gert Shehu ka kërkuar që të mos ndiqen penalisht truprojat e kreut të PD-së.

Këtë deklaratë e riu e ka bërë gjatë marrjes në pyetje, teksa do i jepej masa e sigurisë.

Ata rrezikonin të merreshin nën hetim për plagosje të lehtë me dashje ose dëmtime të tjera me dashje.

Një ditë më parë u zhvillua seanca gjyqësore ndaj Gert Shehut, ku gjykata e Tiranës dha masën e sigurisë “arrest me burg” për 31-vjeçarin.

Avokati Ervis Lila u shpreh për mediat se Shehu flet me fragmente dhe bën deklarime të ndryshme. Ndër të tjera, avokati nënvizoi se duhet bëri akti i epskertimit në mënyrë të zgjeruar.

Gert Shehu akuzohet nga autoritetet për goditje për shkak të detyrës dhe plagosje me dashje.

Nëna e të riut, në një intervistë ekskluzive për Euronews Albania mohoi kategorikisht deklaratat e kreut të PD Sali Berisha se i biri ishte agjent policie apo i infiltruar.

Ajo tha se djali i saj kurohet prej 5 vjetësh për çrregullim bipolar, gjë që u konfirmua për Euronews Albania edhe nga mjeku i tij Sadik Lala.

LEXONI GJITHASHTU:

• Nesër seanca gjyqësore për Gert Shehun, dy akuzat që rëndojnë mbi të
• FOTO| Momenti kur Gert Shehu mbërriti në spital
• Mjeku i Gert Shehut: Në gusht e rekomandova në urgjencën e psikiatrisë