Porti tregtar në Porto Romano me PPP, Rama: 46% qeveria, 54% kompania fituese

Kryeministri Edi Rama deklaroi se puna në portin tregtar aktual nuk do të pengohet nga punimet për Portin e ri të Durrësit.

Gjatë prezantimit të projektit për portin e ri tregtar që do të zhvendoset në Porto Romano, Rama nënvizoi se 46% e këtij projekti do të financohet nga qeveria, ndërsa pjesa tjetër do të jepet me PPP.

“Pika tjetër shumë e rëndësishme është garancia 100% e kontrateve ekzistuese me të  gjithë operatorët ekzistues, ata kanë kontrata të caktuara, kontratat janë të garantuara 100%, thjesht do të ketë spostime nga një vend në vend tjetër, por operacioni ligjor nuk do të pengohet për asnjë subjekt që do të dojë të vazhdojë operimin.

Nga studimi i kompanisë, faza e parë që është faza që bën zëvendësimin e portit, është 390 mln euro, një shifër e arsyeshme, ku 46% e vlerës do të financohet nga qeveria dhe 54% nga kompania që do të fitojë garën ndërkombëtare”, theksoi ai.

LEXONI GJITHASHTU

• Rama vendos ‘kusht’ për kompanitë që shfaqin interes për ndërtimin e portit të ri
• Rama për portin e ri: Të gjitha rrugët e Ballkanit Perëndimor do të çojnë në Durrës
• Prezantohet projekti i portit tregtar të Durrësit, Balluku: 1500 vende pune