Bërnabiç: Escobar, një tjetër politikan që kundërshton rezolutat e OKB-së

Kryeministrja e Serbisë, Ana Bërnabiç deklaroi se i dërguari amerikan për Ballkanin Perëndimor, Gabriel Escobar, është një tjetër politikan që me vendosmëri është kundër rezolutave të Këshillit të Sigurimit të Kombeve të Bashkuara.

Përmes një postimi në rrjetet sociale, Bërnabiç u shpreh se Escobar  ka marrë rolin e Këshillit të Sigurimit dhe me votën e tij unanime, të Ministrisë së Jashtme të Gjermanisë dhe ministres Viola von Cramon, të njohur edhe Raportuesja për Kosovën, e ka anuluar Rezolutën 1244.

“Nëse mundem, një pyetje, nëse Rezoluta 1244 nuk është më valide (sepse juve nuk ju pëlqen, ndonëse askujt nuk i bëhet vonë) dhe nëse Marrëveshja e Brukselit nuk ekziston (siç thotë kryeministri i Kosovës, Albin Kurti, dhe pasi ju nuk i dënoni deklaratat e tij, ju liderë të mëdhenj) dhe nëse Marrëveshja e Uashingtonit nuk është asgjë pos diçka e së kaluarës, dhe nëse Karta e OKB-së nuk vlen për Serbinë (sepse ju liderët besoni se nuk duhet), atëherë në bazë të cilës marrëveshje/rezolute/parimi duhet të veprojmë ne?” ka pyetur ajo.

I see that my friend Gabe Escobar is yet another politician who is adamantly against valid Resolutions of the UN Security Council. 1/6

— Ana Brnabic (@anabrnabic) December 13, 2022

Escobar ka  kundërshtuar kategorikisht kthimin e forcave serbe në Kosovë, që Serbia ka paralajmëruar se do ta kërkojë nga KFOR-i.

Ai tha se Kosova ka garanci shumë të forta sigurie nga SHBA-ja.

LEXONI GJITHASHTU

• Escobar: Të nisë menjëherë puna për formimin e Asosacionit
• Escobar: Kosova ka garanci shumë të forta sigurie nga SHBA-ja
• Barrikadat në veri, NATO dhe BE: Kosova dhe Serbia të ulin tensionet përmes dialogut