Pyetja që vuri në siklet Altin Dumanin

Altin Dumani ishte kandidati i dytë që u paraqit në KLP për të shpalosur platformën e tij për kreun e SPAK.

Dumani u shpreh se është shumë i motivuar për të garuar për kreun e SPAK, ndërsa theksoi se e sheh punën në SPAK si mision.

Gjatë seancës së pyetjeve, Dumani u pyet se cili është elementi që sheh tek vetja që do ta bëjë të dalë ballëhapur para shqiptarëve pas 3 vjetësh dhe të provojë se ka sjellë shpresë.

Përulësia, qëndrueshmëria dhe të qenët i pacenueshëm nga asnjë lloj vesi janë garancia e tij, tha Dumani, bashkë me aftësinë për të injektuar frymë grupi.

Në fakt kjo ishte pyetja që e vuri në siklet, por gjithsesi ai nuk hezitoi të përgjigjej.

“Është e vështirë të flasësh për veten, por kam folur edhe para jush, kudo ku kam punuar në 23 vjet, që kur kam qenë oficer i policisë gjyqësore e deri sot kam treguar angazhim maksimal për të jetuar, provuar akuzat, një qëndrueshmëri. Garancia nëse më jepet mundësia është pikërisht kjo që kam ndërtuar deri tani qoftë në profilin e prokurorit ku kam qenë modest, i përulur, i pacenueshëm nga asnjë lloj vesi, me përkushtim maksimal për të injektuar frymën e grupit, jemi si duart, ndihmojmë njëri-tjetër”, u përgjigj Dumani.

LEXONI GJITHASHTU:

• “Nuk ka rëndësi emri por prova”, Dumani: Punën në SPAK e shoh si mision
• “Kam shumë dosje nën hetim”, Altin Dumani shpalos platformën për kreun e SPAK